“I imi gjithmonë dhe përjetë!” Dua Lipa uron të dashurin për ditëlindje

Këngëtarja shqiptare me famë botërore Dua Lipa ka ndarë me ndjekësit një moment të veçantë personal, duke uruar partnerin e saj, aktorin Callum Turner, për 36-vjetorin e lindjes. Artistja publikoi në Instagram disa fotografi nga marrëdhënia e tyre, që prej kohësh ka tërhequr vëmendjen e mediave rozë.

Në një nga imazhet, çifti shfaqet duke pozuar në pjesën e pasme të një varke, nën rrezet e diellit, ndërsa në një tjetër foto ata duken gjatë një mbrëmjeje argëtuese, të veshur me bluza të bardha të njëjta. Krahas postimit, Dua shkroi: “Gëzuar ditëlindjen! I imi gjithmonë dhe përjetë!”, një dedikim që u prit me mijëra pëlqime dhe komente nga fansat.

Foto: Instagram/Dua Lipa

Postimi vjen në një periudhë kur këngëtarja ka folur hapur për sfidat e marrëdhënieve në distancë. Në platformën e saj Service 95, Dua ka marrë rolin e një “këshillueseje”, duke iu përgjigjur pyetjeve të fansave. Ajo pranoi se ndarja fizike nga njerëzit e dashur, sidomos gjatë turneve të gjata, mbetet e vështirë: “Me kohën bëhet më e lehtë, por kurrë nuk pushon së qeni e vështirë. Nuk mungojnë vetëm eventet e mëdha, por edhe momentet e vogla të përditshme”.

Megjithatë, artistja ruajti optimizmin, duke theksuar se distanca nuk e dobëson dashurinë: “Marrëdhëniet ndryshojnë, por dashuria jo. Madje, ndonjëherë bëhet edhe më e fortë”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)