“Më shpërtheu implanti i gjoksit”, ylli televiziv zbulon arsyet e shpërfytyrimit

Ylli televiziv Brandi Glanville ka zbuluar shkakun e problemeve të saj misterioze me fytyrën, duke treguar se gjithçka lidhej me implantet e gjoksit, të cila pretendon se i kanë shpërthyer pas infektimit me një parazit.

Teksa po largohej nga një klinikë mjekësore, ku ishte trajtuar me lazer për problemet në fytyrë, Glanville i tha TMZ-së: “Po kujdesem për fytyrën tani që kam kuptuar se çfarë nuk shkonte”.

Sipas raportimit të InTouch Weekly, ajo iu nënshtrua një operacioni në fillim të këtij muaji për heqjen e implanteve të gjoksit. Implantet ishin vendosur në vitin 2007, pas lindjes së djalit të saj Jake, por mjekët zbuluan se implanti i majtë kishte një rrjedhje, ndërsa ai i djathtë ishte plotësisht i shqyer.

“Kisha silikon në të gjithë nyjet limfatike”, rrëfeu ajo për TMZ. “Kjo është ajo që shkaktoi infeksionin në fytyrën time. Nuk mund ta nxirrja sepse nyjet limfatike ishin të bllokuara”, zbuloi më tej.

Foto: AP/Richard Shotwell

Prej disa vitesh, Glanville kishte luftuar me një gjendje të pashpjegueshme shëndetësore që i shkaktonte ënjtje të përsëritur të fytyrës, vështirësi në të folur dhe madje humbje të dhëmbëve. Në vitin 2024, ajo kishte treguar se kishte shpenzuar mbi 70 mijë dollarë për trajtime, ndërsa mjekët e kishin të paqartë diagnozën. Disa madje kishin sugjeruar mundësinë e një paraziti, çka e shtyu Glanville të provonte edhe produkte alternative në përpjekje për të gjetur zgjidhje.

Ajo tregoi se kishte vizituar 21 mjekë ndër vite, por vetëm pas një ekzaminimi me ekografi u zbulua dëmtimi i implanteve të saj të gjoksit.

“Mora një mësim vërtet, vërtet të vështirë. Nuk po them të mos vendosni implante. Thjesht bëjeni dhe sigurohuni që ta mbani nën kontroll. Duhet të jeni vërtet vigjilentë për ekografitë. Pyesni mjekun tuaj”, tha ajo, duke këshilluar gratë që të kontrollojnë implantet pas 10 vitesh, edhe nëse ndihen mirë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)