Ministri Gonxhja në dëgjesën Jubilare në Vatikan: Papa Leoni XIV përshëndet përfaqësuesit arbëreshë

Ministri i Turizmit, Kulturës dhe Sporteve, Blendi Gonxhja, mori pjesë në Dëgjesën Jubilare të Papa Leonit XIV, mbajtur në Sheshin e Shën Pjetrit në Vatikan, në kuadër të Ditës Kulturore të Arbëreshëve.

Gonxhja e cilësoi këtë moment një privilegj të veçantë, duke theksuar emocionet që përjetoi teksa dëgjoi fjalën e Atit të Shenjtë përpara mijëra besimtarëve nga e gjithë bota.

“Përveç nderit të jashtëzakonshëm për ta dëgjuar nga afër Atin e Shenjtë përpara mijëra besimtarëve nga e gjithë bota, pata kënaqësinë ta falënderoj për vëmendjen ndaj vlerave të kulturës shqiptare,” u shpreh ministri.

Ai shtoi se ftesa e posaçme e Selisë së Shenjtë i mundësoi jo vetëm një takim të ngrohtë me Papën, por edhe një përshëndetje të dedikuar për përfaqësuesit e komunitetit arbëresh.

“Ftesa speciale e Selisë së Shenjtë na mundësoi jo vetëm takimin e përzemërt, por edhe një përshëndetje të Tij me grupin e përfaqësuesve të komunitetit arbëresh, në kuadër të Ditës Kulturore të Arbëreshëve, në Romë,” shkroi Gonxhja.

Në fjalën e tij, ministri theksoi ndikimin që mesazhi i Papës pati tek pelegrinët dhe audienca mbarëbotërore:

“Mesazhi i Tij për solidaritet dhe shpresë mbushi zemrat e pelegrinëve prezent dhe gjithë audiencës botërore!”, shprehet ministri.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)