Thani çarçafët më shpejt në dimër me këtë metodë të thjeshtë

Çarçafët, për shkak të përmasave dhe materialit, janë ndër më të vështirët për t’u tharë gjatë dimrit.

Eksperti dhe CEO i MattressNextDay, Martin Seeley, ka ndarë një truk të thjeshtë që mund të shkurtojë ndjeshëm kohën e tharjes. Sipas tij, gjithçka që ju nevojitet është një peshqir i pastër prej pambuku.

“Peshqirët prej pambuku janë shumë thithës. Kur mbështillni çarçafët e lagur brenda një peshqiri, ai tërheq një sasi të madhe të ujit të tepërt”, shpjegon Seeley.

Si ta aplikoni metodën?

• Shtroni një peshqir të pastër dhe të thatë mbi një sipërfaqe të gjerë.
• Vendosni çarçafin e lagur sipër peshqirit.
• Mblidhini fort së bashku, duke formuar një rrotull të ngjeshur.
• Shtypeni mirë , madje mund të shkelni lehtë mbi të, për të lejuar peshqirin të thithë sa më shumë lagështi.

Pasi ta hapni, vareni çarçafin pranë një burimi nxehtësie ose në një dhomë me qarkullim të mirë ajri. Sipas ekspertit, kjo metodë e përshpejton dukshëm tharjen, veçanërisht në ditët e ftohta dhe të lagështa.

Seeley sugjeron gjithashtu që çarçafët të lahen herët në mëngjes, në mënyrë që t’u jepet kohë të mjaftueshme për t’u tharë gjatë ditës.

“Nëse i lani në mbrëmje, ajri i ftohtë e ngadalëson procesin e tharjes. Idealja është të nisni larjen para mesditës, që rrobat të përfitojnë nga çdo rreze ngrohtësie dhe lëvizje ajri”, thekson ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)