E thotë shkenca: Ndryshimi te sytë që zbulon nëse dikush ka tërheqje ndaj teje

Shkencëtarët kanë zbuluar një mënyrë të thjeshtë për të kuptuar nëse dikush ka vërtetë tërheqje ndaj teje, mjafton të shohësh sytë e tyre. Ekspertët e anatomisë Amanda Meyer dhe Monika Zimanyi nga Universiteti James Cook shpjegojnë se, kur dikush është i tërhequr seksualisht, pupila e syrit zgjerohen.

“Në romane dhe udhëzime romantike, pupilat e zgjeruara përdoren si tregues i tërheqjes,” thanë ato për The Conversation. Pupila, pjesa e zezë e syrit, zgjerohen ose ngushtohen për të lejuar kalimin e dritës. Kur stimulohet sistemi simpatik i trupit, pupilat zgjerohen, ndërsa sistemi parasimpatik i ngushton ato.

Megjithatë, reagimi i pupilave ndryshon sipas gjinisë. Studime tregojnë se pupilat e burrave zgjerohen sipas preferencave seksuale, ndërsa të grave janë më të ndryshueshme. Për shembull, pupilat e grave heteroseksuale zgjerohen ndaj imazheve erotike të të dy gjinive.

Meyer dhe Zimanyi nënvizojnë se më e rëndësishme mund të jetë reagimi i syve tuaj ndaj personit tjetër. Sinkronizimi i zgjerimit të pupilave, i quajtur “pupil mimicry”, lidhet me tërheqjen dhe harmoninë mes njerëzve, duke reflektuar gjendje të përbashkëta emocionale.

Megjithatë, shkencëtarët paralajmërojnë se zgjerimi i pupilave nuk do të thotë automatikisht tërheqje, pasi edhe emocionet e forta ose pritshmëritë sjellin një reagim të ngjashëm.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)