Operacion i madh policor në Kosovë, dhjetëra të dyshuar për mashtrim me siguracionet

Një operacion i madh policor është zhvilluar mëngjesin e së enjtes në disa qytete të Kosovës, pas një hetimi të nisur nga Prokuroria e Prizrenit.

Operacioni i drejtuar nga krimet ekonomike është ndërmarrë në të njëjtën kohë në Prizren, Prishtinë, Pejë, Gjilan, Ferizaj, Mitrovicë dhe Gjakovë.

Deri në këto momente raportohet për disa persona të arrestuar, nën akuzën e “keqpërdorim i besimit”, “keqpërdorim i autorizimeve në ekonomike”, “ndihmë në keqpërdorim të besimit” dhe “falsifikim të dokumentit”.

Mes të arrestuarve janë Sami Mazreku, ish-drejtor i Byrosë Kosovare të Sigurimeve dhe ish-drejtori i Financave i kësaj byroje, Valon Berisha.

Sipas hetimeve, Mazreku dhe Berisha kishin bërë marrëveshje me qytetarë të ndryshëm për t’iu kaluar atyre para në llogari si kompensime për aksidente trafiku. Më pas, këto para ndaheshin ku dy zyrtarët e Byrosë së Sigurimeve merrnin pjesën më të madhe.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)