Burri 42-vjeçar mbahet dy vite si skllav nga çifti i ri, i shitën edhe shtëpinë

Një ngjarje e pazakontë është zbuluar nga policia në Kroaci. Mediat kroate raportojnë se një burrë 42-vjeçar është mbajtur si skllav për të paktën dy vite nga një çift i ri nga zona e Delnicës.

Index.hr shkruan se një 31-vjeçar dhe partnerja e tij 28-vjeçare dyshohet se kanë mbajtur burrin 42-vjeçar në një marrëdhënie skllavërie për gati dy vjet dhe kanë përdorur gjendjen e tij të vështirë financiare për ta detyruar të punojë pa kompensim.

Përveç veprës penale të trafikimit të qenieve njerëzore, 31-vjeçari akuzohet edhe për posedim të paligjshëm të një sasie të madhe armësh, njoftoi Prokuroria Shtetërore Komunale në Rijekë.

Prokuroria dyshon se ky çift, nga fundi i vitit 2023 deri më 9 dhjetor të këtij viti, bashkërisht dhe me marrëveshje kanë përfituar nga gjendja e vështirë financiare e viktimës.  

Ata gjithashtu i morën dokumentet e tij personale dhe gjatë asaj kohe e kishin lënë që të jetonte në kushte çnjerëzore dhe për hir të të ardhurave të tij, detyrohej të kryente punë të ndryshme fizike nën kontrollin e tyre.

Dyshohet se dyshja e dyshuar ia kanë marrë dokumentet personale dhe kanë lidhur kontrata fiktive në mënyrë që të mund të dispononin pronën e tij. Pas hetimit të Prokurorisë në Rijeka çifti i pengmarrësve u lanë në burg.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)