Arrestohet ish-futbollisti i kombëtares së Anglisë

Një ish-lojtar i kombëtares së Anglisë dhe i Premier League është arrestuar në aeroportin Stansted, i dyshuar për tentativë përdhunimi. Sipas mediave britanike, ai u ndalua nga autoritetet e kufirit ndërsa po përgatitej të hipte në një fluturim të dielën në mbrëmje. Kontrolli i pasaportës rezultoi se futbollisti kërkohej nga policia për një akuzë të bërë kohët e fundit nga ish-partnerja e tij.

Policia e Essex-it kishte nisur hetimet disa javë më parë, pasi gruaja deklaroi se lojtari kishte tentuar ta përdhunonte gjatë kohës që ishin në një lidhje. Pasi u identifikua vendndodhja e tij, oficerët shkuan në aeroport për të kryer arrestimin. Futbollisti u dërgua në komisariat, ku iu morën gjurmët e gishtave, mostra e ADN-së dhe fotografia zyrtare.

Ai u mbajt për disa orë në paraburgim gjatë natës, përpara se të lirohej me kusht ndërsa vijojnë hetimet. Identiteti i tij nuk është bërë publik, por sipas burimeve ka qenë aktiv duke u shfaqur në disa evente të rëndësishme gjatë kohëve të fundit.

Ndërkohë, viktima e dyshuar është marrë në pyetje nga oficerë të specializuar për krimet seksuale dhe po merr mbështetje psikologjike. Policia e Essex-it ka konfirmuar se i dyshuari është liruar me garanci deri në fund të shkurtit 2026, ndërsa procedurat vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)