Barcelona merr një fitore të madhe ndaj Atletico Madrid, +4 nga Reali

Barcelona ka arritur një fitore me shumë peshë në garën për titull, duke triumfuar 3-1 ndaj Atlético Madrid, një rezultat që i dha fund serisë prej 13 ndeshjesh pa humbje të madrilenëve në kampionat.

Ndeshja nisi me ritëm të lartë, me raste të shumta në të dyja portat. Raphinha rrezikoi i pari për katalanasit, ndërsa Álex Baena u tregua lojtari më aktiv për miqtë dhe në minutat e para shpërbleu përpjekjet e tij me një gol të bukur pas një depërtimi të shpejtë nga qendra. Avantazhi zgjati pak, pasi Raphinha përfitoi nga një hapësirë në mbrojtje, dribloi portierin Oblak dhe barazoi shifrat.

Barcelona vazhdoi presionin dhe fitoi një penallti, por Robert Lewandowski e shpërdoroi duke e dërguar topin mbi traversë. Oblak më pas bëri një pritje fantastike ndaj një goditjeje me kokë të polakut, duke mbajtur të pandryshuara shifrat në pjesën e parë.

Pjesa e dytë solli dominim të plotë nga Barça, dhe Dani Olmo, pas një depërtimi vendimtar, shënoi golin e dytë përpara se të largohej i dëmtuar. Në fund, Ferran Torres vulosi fitoren me një goditje të saktë në minutat shtesë, duke e çuar Barcelonën drejt një fitoreje të merituar dhe një hap para rivalëve në garën për titull.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)