Interi goleadë në Kupën e Italisë, Napoli vuan, por arrin çerekfinalet pas 5 vitesh

Inter dhe Napoli fluturojnë në çerekfinalet e Kupës së Italisë: spektakël, gola dhe sinjale të forta nga lojtarët e dytë

Interi dhe Napoli kanë siguruar kualifikimin në çerekfinalet e Kupës së Italisë, duke bërë dy paraqitje shumë të ndryshme, por shumë të rëndësishme për ecurinë e tyre në këtë kompeticion.

Në “San Siro”, zikaltërit e Chivu-s u shndërruan në një makineri golash duke triumfuar 5-1 ndaj Venezias. Interi vendosi ritmin që në minutat e para me golat e Diouf dhe Pio Esposito, ndërsa Marcus Thuram vulosi ndeshjen me një dopietë mes fundit të pjesës së parë dhe fillimit të së dytës. Venezia arriti vetëm të ngushëllonte rezultatin me Sagrado, përpara se Bonny të shënonte një tjetër perlë për 5-1. Zikaltërit tashmë presin fituesin e duelit Roma-Torino.

Ndryshe nga Interi, Napolit iu desh të vuante shumë ndaj Cagliarit për të kaluar më tej. Ekipi i Antonio Contes, që nuk e kalonte këtë fazë që prej vitit 2020, u kualifikua vetëm pas një serie të gjatë penalltish, të mbyllur nga goditja vendimtare e Buongiornos. Conte testoi disa lojtarë dhe mori sinjale pozitive, veçanërisht nga Lorenzo Lucca, i cili gjeti golin pas më shumë se dy muajsh, dhe Antonio Vergara, që bëri një paraqitje të mirë në mesfushë. Më pak bindës ishin Mazzocchi dhe Ambrosino, të cilët nuk shfrytëzuan plotësisht mundësinë.

Napoli do të mësojë kundërshtarin e radhës pas ndeshjes Fiorentina-Como.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)