Bylis dhe Teuta ndahen në paqe në “Adush Muça”

Eshtë mbyllur në barazim me rezultatin 1-1 ndeshja midis Bylisit dhe Tetutës në stadiumin "Adush Muça" të Mallakastrës.

07.12.2025. 16:39

Bylis dhe Teuta ndahen në paqe në “Adush Muça”

Java e 15-të e Superligës shqiptare u hap këtë të dielë me përballjen mes Bylisit dhe Teutës në stadiumin “Adush Muça”, e cila u mbyll me rezultatin 1-1.

Të dy golat u shënuan në pjesën e dytë të ndeshjes. Teuta kaloi e para në avantazh në minutën e 76-të me anë të Muço Boçit, por gëzimi i durrsakëve zgjati vetëm pak minuta. Në minutën e 82-të, Ibrahim Moustapha riktheu baraspeshën duke vulosur rezultatin përfundimtar.

Pas këtij barazimi, Teuta ngjitet në kuotën e 23 pikëve dhe pozicionohet në vendin e katërt, ndërsa Bylisi me 14 pikë mban vendin e tetë.

Më vonë, në orën 18:00, zhvillohet derbi i kryeqytetit mes Tiranës dhe Partizanit në “Air Albania”.

Foto: LSA

Shkarkoni aplikacionin Newsmax Balkans:

Komente (0)