Ernest Muçi duket se ka gjetur formën e tij më të mirë dhe është duke shkëlqyer tek Trabzonspor, në Turqi.
Sulmuesi kuqezi ka shënuar sërish në javën e 15-të të Superligës turke të futbollit, duke tundur rrjetën ndaj Goztepe në transfertë, në minutën e ’46 dhe '76 të sfidës.
Dy golëshi i sotëm e çon në 5 finalizime radhazi djaloshin shqiptar, i cili tashmë ka marrë prej dore klubin turk për ta ngjitur në vendin e dytë në kampionat, duke ëndërruar edhe titullin kampion pasi ndodhen vetëm dy pikë pas Gallatasarait kryesues.
Muçi më parë kishte shënuar dy gola në fitoren spektakolare 3-4 ndaj Bashakshehir, e më pas një gol magjik nga goditja e dënimit në fitoren ndaj Koniaspor, në shtëpi.
Me këtë ritëm goleadori dhe formën e mirë që po kalon Beshiktashi duhet të jetë penduar për huazimin e Muçit tek rivalët në kampionat, ndërsa tekniku i kombëtares shqiptare të futbollit, Silvinjo, do të ketë një armë shtesë në play off e Botërorit, ndaj Polonisë.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)