Egnatia ka marrë një fitore të rëndësishme ndaj Vorës me rezultatin 2-0, në ndeshjen e vlefshme për javën e 15-të të Kategorisë Superiore. Kampionët e nisën sfidën me presion të lartë, duke rrezikuar që në minutat e para me Albanezen dhe Fernandon, ndërsa Vora iu afrua golit me Çibuken, që u ndal nga traversa.
Pas një pjese të parë të ekuilibruar, rezultati u zhbllokua në minutën e 51-të, kur Albaneze shënoi me penallti, pas ndërhyrjes së VAR-it që akordoi 11-metërshin. Egnatia vazhdoi të dominojë lojën dhe në minutën e 68-të Ndreca dyfishoi shifrat me një goditje të saktë brenda zonës, duke vulosur fitoren.
Vora kërkoi reagimin, por tentativat e Ruzgis dhe Fazlagiç nuk gjetën rrjetën. Në minutat e fundit, kampionët administruan rezultatin. Me këtë triumf, Egnatia merr tre pikë të vlefshme dhe ngjitet në krye përkohësisht.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)