Osasuna thyen Realin e Madridit pas 24 javësh në La Liga

Osasuna ka shkaktuar një surprizë të madhe në LaLiga, duke mposhtur Real Madridin me rezultatin 2-1 në “El Sadar” dhe duke i dhënë fund serisë prej tetë fitoresh radhazi të “Los Blancos”. Skuadra vendase zgjati në gjashtë numrin e ndeshjeve pa humbje në kampionat, ndërsa madrilenët panë të shembet një ecuri mbresëlënëse.

Pas një fillimi të kujdesshëm dhe dominimit në zotërim nga Reali, sfida u ndez rreth minutës së 15-të. Ante Budimir rrezikoi i pari seriozisht, ndërsa Thibaut Courtois u detyrua të bëjë një pritje spektakolare. Presioni i Osasunës u shpërblye kur arbitri akordoi penallti për një ndërhyrje të Courtois ndaj Budimirit. Sulmuesi kroat nuk gaboi nga pika e bardhë, duke kaluar vendasit në avantazh.

Në pjesën e dytë, Reali reagoi dhe mendoi se barazoi me Kylian Mbappé, por goli u anulua për pozicion jashtë loje. Pak më vonë, një aksion i bukur i Federico Valverde hapi rrugën për Vinícius Júnior, i cili realizoi nga afër për 1-1. Madrilenët shtuan ritmin dhe iu afruan golit të dytë, por Osasuna rezistoi.

Kur gjithçka dukej se po shkonte drejt barazimit, Raúl García shënoi në minutën e fundit me një realizim individual, duke vulosur fitoren 2-1. Ky sukses i dha fund edhe një serie 24 ndeshjesh pa humbje të Realit ndaj Osasunës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)