E pazakontë në Gjermani, tifozi hyn në fushë dhe shkul prizën e VAR-it

Një incident i pazakontë ka ndodhur në Gjermani duke bërë që ndeshje e Bundesliga 2 të ndërpritet. Sipas mediave në vend, të dielën teksa luhej sfida Preussen Munster - Hertha Berlin, një fans i vendasve, që kishte mbuluar fytyrën me maskë shkëputi nga priza një monitor të sistemit VAR që ndihmon gjyqtarin për analizimin e pamjeve filmike të episodeve të dyshimta gjatë ndeshjes.

Në ndeshjen që po luhej në Koln, gjyqtari Felix Bickel u pa në një moment se e kishte të pamundur të shqyrtonte në ekran pamjet e një faulli të dyshimtë në zonën e penalltisë së Preussen.

Bickel shkoi te ekrani me udhëzim nga VAR, por u përball me një ekran të fikur. Assistenti i VAR Katrin Rafalski u detyrua në këto kushte të jepte vendimin për incidentin, duke i komunikuar gjyqtarit kryesor të sfidës se kishte mjaftueshëm kontakt për të akorduar një penallti për miqtë dhe Fabian Reese e ktheu atë në gol, në minutën e katërt të kohës shtesë të pjesës së parë.

Jannis Heuer barazoi për vendasit vetëm një minutë pas fillimit të periudhës së dytë, por ishte një tjetër goditje në kohën shtesë për Pruessen, pasi zëvendësuesi Marten Ëinkler doli nga stoli për të shënuar golin e fitores për kryeqytetasit në minutën e 93-të.

Fitorja e çon Herthën në vendin e gjashtë në tabelën e Bundesligës së Dytë dhe e lë Preussen në vendin e 14-të, megjithëse ata janë të barabartë me pikë me Greuther Furth, të cilët mbajnë vendin e play-off për rënie nga kategoria.

Foto: Preussen Munster

"Një tifoz i maskuar nga seksioni aktiv i tifozëve hyri në mënyrë të paligjshme në fushë dhe shkëputi pajisjet teknike", tha pas ndeshjes klubi i Preussen Munster në një deklaratë në faqen e tyre në rrjetet sociale.

"Preussen Munster shpreh keqardhje për incidentin dhe do të bëjë gjithçka që është e mundur për të identifikuar dhe sjellë autorin/autorët para drejtësisë. Për më tepër, janë marrë masa të menjëhershme për të parandaluar incidente të ngjashme në të ardhmen. Gjetjet fillestare tregojnë se ky ishte një veprim i planifikuar. Një banderolë me këtë qëllim u shfaq në zonën vendase menjëherë pas mosfunksionimit teknik. Më vonë u raportua se një banderolë ishte zbuluar ku shkruhej 'Shkëputni prizën e VAR'”, thuhet më tej në komunikatën e klubit gjerman.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)