“Google”, udhëzim fëmijëve 13-vjeçarë si të heqin kontrollin e prindërve

Google njoftoi ndryshimin e politikave rreth “kontrollit prindëror”. Kompania e motorit të kërkimeve në internet, bëri të ditur se do të lejojë fëmijët të çaktivizojnë vetë kontrollet e prindërve sapo ata të mbushnin 13 vjeç.

Sipas politikës së re, adoleshentët nuk do të kenë nevojë për miratimin e prindërve gjatë menaxhimit të llogarive të tyre. Kjo masë e re do të hyjë në fuqi globalisht këtë javë. Kate Charlet, drejtuese globale për privatësinë dhe sigurinë te Google, tha se ky ndryshim siguron që mbrojtjet të qëndrojnë në fuqi, deri sa prindi dhe fëmija të jenë gati për fazën tjetër.

Lajmi u bë publik menjëherë pas një postimi viral në platformën “LinkedIn” nga një aktiviste për sigurinë e fëmijëve online, Melissa McKay. Ajo ngriti problematikën e ndryshimit të politikave, pasi e bija e saj 12-vjeçare mori një e-mail në të cilin njoftohej se shumë shpejt do të kishte mundësinë të hiqte vetë mbikëqyrjen prindërore.

Google kishte planifikuar këtë ndryshim prej kohësh, por reagimi i publikut bëri që njoftimi zyrtar të vinte më shpejt. Polemikat vijojnë, sepse mosha 13-vjeçare cilësohet ende shumë e vogël për të eliminuar çdo filtër kërkimi të sigurt dhe shmangien e rrezikut për shfaqjen e përmbajtjeve të papërshtatshme në internet.

Foto: AP

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)