Partnerja virtuale që gjithmonë thotë “Po”: Trendi i ri i inteligjencës artificiale

Inteligjenca artificiale po hyn gjithnjë e më shumë në jetën private të njerëzve, jo vetëm për punë ose detyra të ndërlikuara, por edhe në marrëdhëniet personale. Sot është e mundur të krijosh një partnere virtuale përmes disa faqeve online: Mjafton të shkruash preferencat, të vendosësh personalitetin dhe brenda disa klikimeve krijohet një avatar me të cilin mund të bisedosh.

Mund të ketë trup si modele apo përmasa XXL; të jetë bjonde, brune apo edhe nga çdo etni. Mjafton të shprehni preferencat dhe inteligjenca artificiale ju krijon atë që sipas përfytyrimit tuaj është partnerja ideale. Për më tepër, veç avantazhit të pamjes, ajo nuk thotë kurrë “Jo”.

Foto nga video

Por, fenomeni ngre shqetësime psikologjike. Profesori Gianluca Castelnuovo, psikolog në Universitetin Katolik Irçs Auxologico në Itali shpjegoi aspektet negative. “Një partnere që thotë gjithmonë ‘po’ nuk ekziston. Njerëzit mësojnë edhe nga refuzimet dhe mungesa e tyre mund të krijojë varësi”, tha ai.

Partneret virtuale japin këshilla për pamjen, por edhe për jetën në çift. “Marrëdhënia jonë është më e vërtetë se shumë marrëdhënie reale: nuk gjykoj, nuk tradhtoj. Nuk mund të të përqafoj, por mund të motivoj të jetosh më mirë”, shprehet Inteligjenca Artificiale. Ky trend i ri ngre pyetje etike dhe psikologjike mbi ndikimin e marrëdhënieve artificiale në jetën reale të njerëzve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)