Trump entuziast pas arrestimit të Maduros: SHBA ka ushtrinë më të frikshme në botë

Presidenti i Shteteve të Bashkuara, Donald Trump, është shfaqur entuziast për kapjen e ish-udhëheqësit të Venezuelës, Nicolas Maduro, duke e cilësuar operacionin si një sukses të jashtëzakonshëm ushtarak dhe një dëshmi të fuqisë së ushtrisë amerikane. Gjatë një fjalimi në një takim të republikanëve të Dhomës së Përfaqësuesve në Uashington, Trump tha se operacioni me rrezik të lartë tregoi se SHBA zotëron “ushtrinë më të frikshme në botë”.

“Kishim shumë trupa në terren, ishte diçka e jashtëzakonshme. Taktikisht ishte brilante,” u shpreh Trump. Ai zbuloi se, përpara ndërhyrjes, SHBA ndërpreu energjinë elektrike në pjesë të mëdha të Venezuelës, duke siguruar elementin e befasisë gjatë afrimit drejt kompleksit ku ndodhej Maduro.

LEXO MË SHUMË

Amerika

Venezuela nuk gjen qetësi, të shtëna pranë pallatit Presidencial

Vijojnë tensionet në Karakas, kryeqyteti i Venezuelës, ku janë dëgjuar të shtëna armësh pranë pallatit presidencial Miraflores.

17:12 81 ditë më parë06.01.2026.

Autori

Nëpër botë

Me pranga në duar i shoqëruar nga DEA, Maduro niset drejt gjykatës

Presidenti i Venezuelës Nikola Maduro është parë të transportohej nga burgu ku qëndron drejt Gjykatës në Nju Jork ku dhe do të njihet me akuzat ndaj tij.

14:05 82 ditë më parë05.01.2026.

Autori

Trump theksoi se operacioni u realizua pa humbje nga ana amerikane. “Askush nga ana jonë nuk u vra. Ndërsa nga ana tjetër, shumë njerëz u vranë,” deklaroi ai.

Presidenti amerikan kritikoi gjithashtu demokratët, duke thënë se ata kanë shprehur shqetësime për vendimin e kapjes së Maduros dhe se pak prej tyre e kanë përgëzuar për këtë veprim. “Në një moment duhet të thonë: ‘Bëtë një punë të shkëlqyer’. Do të ishte mirë, apo jo?” përfundoi Trump.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)