“Thesari” i fshehur i Venezuelës, rezervë prej 60 miliardë dollarësh në Bitcoin

Pas ndërhyrjes së ushtrisë amerikane dhe arrestimit të ish-presidentit, Nicolas Maduro, në vëmendje është kthyer një tjetër pasuri e Venezuelës. Përpos naftës dhe floririt, resorse me të cilat është shteti më i pasur në botë, vendi amerikano-latin ka edhe një “thesar të fshehtë”.

Sipas raporteve që kanë dalë prej janarit 2026, spekulohet se Venezuela mund të ketë një rezervë të fshehtë prej 600,000 deri 660,000 Bitcoin, me një vlerë totale që në treg përllogaritet në afro 60 miliardë dollarë. Kjo sasi e konsiderueshme e kriptomonedhës, dyshohet se është grumbulluar përmes shmangies së sanksioneve dhe konvertimit të arit në Bitcoin.

Nëse kjo rezervë e fshehtë konfirmohet dhe bëhet objekt konfiskimi, sidomos në rast të përfshirjes së SHBA-ve, mund të ndodhin procedura ligjore që do të bllokojnë deri në 3% të furnizimit aktual të Bitcoin-it për një periudhë të gjatë. Një rezervë e tillë tronditëse do të kishte ndikime të rëndësishme në likuiditetin e Bitcoin-it, veçanërisht në tregjet e vitit 2026, ku ndikimet gjeopolitike janë gjithnjë e më të ndjeshme.

Foto nga web

Pavarësisht se këto raporte nuk janë ende të verifikuara zyrtarisht, ky zhvillim nxjerr në pah ndërthurjen mes kriptomonedhave, gjeopolitikës dhe financave globale, duke theksuar ndikimin që mund të ketë një vend si Venezuela në tregjet e Bitcoin-it.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)