Britania po i shet Mauritiusit ishullin Diego Garcia, Trump reagon ashpër: Një budallallëk i madh!

Presidenti i SHBA-ve, Donald Trump, ka ndezur një debat me një tjetër aleat të NATO-s në prag të paraqitjes së tij në Forumin Ekonomik Botëror në Davos këtë javë.

Pasi zbuloi një mesazh privat të Emmanuel Macron për çështjen e Groenlandës, Trump postoi sërish në Truth Social, për të sulmuar ashpër Mbretërinë e Bashkua, duke dalë kundër vendimit të Londrës për t'ia dorëzuar sovranitetin e Ishujve Chagos, Mauritiusit.

Ishujt në fjalë përfshijnë Diego Garcia-n, aty ku SHBA-të kanë vendosur një bazë të përbashkët ushtarake me Britaninë.

Ndërkohë, sipas marrëveshjes së arritur në maj 2025, që Trump e kundërshton, qeveria britanike ka rënë dakord t'ia dorëzojë sovranitetin Mauritiusit, por të japë me qira bazën ushtarake në Diego Garcia për 135.7 milionë dollarë në vit.

Shtëpia e Bardhë shprehu mbështetjen e saj për marrëveshjen vitin e kaluar, por të martën, Trump tha se ishte “një budallallëk i madh”.

“Çuditërisht, aleati ynë ‘brilant’ i NATO-s, Mbretëria e Bashkuar, aktualisht po planifikon t’ia japë ishullin Diego Garcia, vendin e një baze ushtarake jetësore amerikane, Mauritiusit, dhe ta bëjë këtë pa asnjë arsye”, shkroi Trump në Truth Social.

Presidenti amerikan tha se Kina dhe Rusia do ta shihnin këtë akt si një “dobësie totale” dhe se ato ishin fuqi ndërkombëtare që njihnin vetëm forcën.

“Dhënia e tokës jashtëzakonisht të rëndësishme nga Mbretëria e Bashkuar është një akt budallallëku i madh dhe është një tjetër në një linjë shumë të gjatë arsyesh të Sigurisë Kombëtare pse Groenlanda duhet të blihet.”

Ai shtoi se Danimarka dhe aleatët e saj evropianë, të cilët kundërshtojnë përpjekjen e Trump për ta marrë Grenlandën, duhej të “bënin gjënë e duhur”.

Komentet e Trump vijnë mes një përçarjeje në rritje midis SHBA-së dhe aleatëve të saj evropianë të NATO-s, përfshirë Mbretërinë e Bashkuar dhe Francën, për shkak të këmbënguljes së pandërprerë të presidentit për Groenlandën, një territor danez në Arktik.

Groenlanda, Danimarka dhe udhëheqësit evropianë kanë thënë se ishulli nuk është në shitje, por Trump nuk e ka përjashtuar përdorimin e forcës ushtarake për të pushtuar territorin nëse është e nevojshme. Ai gjithashtu ka kërcënuar tetë aleatë evropianë të NATO-s me përshkallëzim të tarifave nëse ata vazhdojnë të bllokojnë përpjekjen e tij për ta marrë ishullin në Arktik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)