“Bill Gates u infektua nga një vajzë ruse”, publikohen 3 milionë faqe nga çështja “Epstein”

Departamenti i Drejtësisë në SHBA publikoi tre milionë faqe, 2 mijë video dhe 180 mijë fotografi në lidhje me çështjen “Jeffrey Epstein”. Materialet, mes të cilave ka edhe përmbajtje pornografike të gjetura në pajisjet e pedofilit që vrau veten në burg, janë të aksesueshme publikisht në një motor kërkimi në faqen zyrtare të qeverisë. Informacionet e ndjeshme, si adresat e email-eve dhe të dhënat personale, janë fshirë.

Nga dokumentet e publikuara, spikat një e-mail i vitit 2018 që Epstein i dërgoi vetes mbi Bill Gates. Aty zbulohet se themeluesi i “Microsoft” ishte infektuar me një sëmundje seksualisht të transmetueshme, pas takimeve me disa vajza ruse. Në e-mail, Epstein e akuzonte Gates për shkatërrimin e miqësisë së tyre dhe për kërkesën e Bill për ti dhënë fshehurazi antibiotikë Melinda Gates. Çifti u divorcua në vitin 2021 dhe tashmë Melinda vlen plotë 29,6 miliardë dollarë.

Foto: Departamenti i Drejtësisë SHBA

Sipas mediave ndërkombëtare, Donald Trump përmendet në 3,200 herë në dokumente, kryesisht në artikuj dhe e-mail që lidhen me zgjedhjet e vitit 2016 dhe biseda midis Epstein dhe miqve të tij. Zv/ministri i Drejtësisë, Todd Blanche, siguroi se gjatë rishikimit të dokumenteve nuk është mbrojtur asnjë individ, duke përfshirë këtu edhe presidentin Trump dhe se Shtëpia e Bardhë nuk ka pasur lidhje me procesin.

Për shkak të natyrës së ndjeshme të materialeve, qeveria ka vendosur që aksesin në “Epstein Library” ta kenë vetëm personat mbi 18 vjeç. Publikimi i materialeve vijon pas përfundimit të afatit ligjor, që ishte deri më 19 dhjetor 2025.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)