Autobusi përplaset me kamionin, shtatë të vdekur dhe 11 të plagosur në Turqi

Shatë të vdekur dhe 11 të plagosur është bilanci i një aksidenti tragjik të ndodhur në jug të Turqisë. Aksidenti fatal ndodhi të shtunën në mëngjes kur një autobus i linjave ndërurbane u përplas me një kamion në një autostradë, siç bëri me dije zyra e guvernatorit rajonal.

Aksidenti ndodhi në rrugën që lidh qytetet e Adanas dhe Gaziantepit kur autobusi u përplas me një rimorkio kamioni që ishte ndalur për shkak të një gome të shfryrë.

Pamjet nga vendi i ngjarjes tregojnë pjesën e përparme të djathtë të autobusit të dëmtuar rëndë nga përplasja, e cila ndodhi rreth 90 kilometra në perëndim të Gaziantepit.

Foto: Facebook

Të gjithë të vdekurit dhe të plagosurit ishin në autobus dhe autoritetet po vazhdojnë përpjekjet për të identifikuar viktimat. Shoferi i kamionit, i cili mbijetoi, u mor në paraburgim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)