Balonat nga Bjellorusia, Lituania shpall gjendjen e emergjencës

Qeveria e Lituanisë shpalli të martën gjendje të jashtëzakonshme për shkak të balonave të dyshimta në zonën kufitare që mendohet se e kanë origjinën nga Bjellorusia fqinje.

Gjatë ditëve të fundit, aeroporti i Vilniusit është mbyllur disa herë nga balonat meteorologjike që mendohet se përdoren nga kontrabandistët për të kaluar në mënyrë të paligjshme cigare.

"Gjendja e jashtëzakonshme shpallet jo vetëm për shkak të ndërprerjeve të aviacionit civil, por edhe për shkak të interesave të sigurisë kombëtare", tha Ministri i Brendshëm Vladislav Kondratoviç.

Bjellorusia ka mohuar përgjegjësinë për balonat dhe ka akuzuar Lituaninë për provokime, përfshirë dërgimin e një droni për të hedhur materiale propagandistike, një akuzë që është mohuar nga Vilniusi zyrtar.

Mes të tjerash, qeveria i kërkoi parlamentit t'u japë fuqi ushtarake për të vepruar në bashkëpunim me policinë, rojet kufitare dhe forcat e sigurisë gjatë gjendjes së jashtëzakonshme.

Nëse parlamenti bie dakord, ushtrisë do t'i jepet leje të kufizojë hyrjen në një territor, të ndalojë dhe kontrollojë automjete, të kryejë kontrolle mbi njerëzit, dokumentet dhe sendet e tyre personale, si dhe të ndalojë ata që rezistojnë ose dyshohen për krime.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)