Zjarr i madh në një fabrikë në Angli, mbi 40 zjarrfikës po luftojnë me flakët

Më shumë se 40 zjarrfikës po luftojnë me flakët që prej mëngjesit të së mërkurës  për të shuar një zjarr të madh që shpërtheu në një fabrikë në Wolverhampton të Anglisë, duke u përballur me atë që autoritetet e kanë cilësuar si një “incident toksik i rëndë”. Banorët e zonës raportuan shpërthime dhe tym të dendur, i cili ishte i dukshëm deri në gjashtë milje larg.

St Luke's Primary School, pranë fabrikës, vendosi të dërgojë të gjithë nxënësit në shtëpi për arsye sigurie. Autoritetet paralajmëruan banorët të mbyllin dyert dhe dritaret dhe shoferët të shmangin zonën. Drejtuesit lokalë dhe banorët përshkruan situatën si alarmante, duke raportuar flakë të mëdha dhe tym të rëndë.

Foto: Departamenti i zjarrfikësve West Midlands në

Zjarrfikësit nga Bilston, Fallings Park, Tipton, Willenhall, Haden Cross, Wednesbury, Dudley dhe Walsall po punojnë për të shuar zjarrin, duke përdorur 17 automjete zjarrfikëse, dy mjete 4x4, dy platforma ajrore hidraulike dhe një ekip dronësh.

Dëshmitarët thanë se tymi dhe flakët janë të dukshme edhe nga larg, dhe disa panë persona duke larguar bombola me gaz nga bizneset e tyre.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)