Dashuria për rusen burgos amerikanin, kaloi oqeanin me varkë por u ndalua nga Moska për hyrje të paligjshme

Një romancë e nisur përmes internetit nuk ka përfunduar siç duhet për një amerikan, i cili me jahtin e tij kishte lundruar drejt Rusisë për të takuar të dashurën e re. Një gjykatë në Rusi e ka dënuar Charles Wayne Zimmerman me pesë vite burg për lundrim përtej kufirit nga Shtetet e Bashkuara për të takuar gruan ruse që e njohu në internet dhe për një armë që mbante në jahtin e tij.

Shërbimi gjyqësor rus tha se Charles u deklarua fajtor, por i tha gjykatës se e mbante armën  në jahtin e tij për sigurinë e tij personale dhe se nuk ishte në dijeni të ligjit rus për armëmbajtjen.

Burgosja e tij në Rusi i jep fund të palavdishëm udhëtimit të gjatë të Zimmermanit, i cili u nis në korrik 2024 nga Karolina e Veriut, mbërriti në Portugali dhe, duke lundruar nëpër Mesdhe dhe Detin e Zi, mbërriti në portin rus të Soçit në qershor 2025.

Zimmerman dëshmoi në gjykatë se njohu në internet një grua nga rajoni i Kazanit dhe vendosi të niste lundrimin me jahtin e tij për ta takuar atë. Kur u nis për në det, ai nuk u shqetësua të studionte ligjet e Federatës Ruse dhe besonte se armët, të cilat i kishte në jahtin e tij për sigurinë personale, thjesht duhej të qëndronin në bord.

Videoja e publikuar nga gjykata tregon një pushkë Remington dhe municione të sekuestruara nga jahti, dhe Zimmermanin të ulur atje me një shishe me ujë në dorë.

Charles u shpall fajtor dhe u dënua me pesë vjet burg nga një gjykatë në Soçi në rajonin e Krasnodarit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)