Stjuardesa theu këmbën pasi avioni u godit nga turbulenca, kërkon 72 mijë paund dëmshpërblim

Një stjuardesë e British Airways ka ngritur padi kundër kompanisë ajrore, duke kërkuar dëmshpërblim prej 72,500 paundësh, pasi u plagos rëndë gjatë turbulencave në ajër. Laura Lanigan, 56 vjeçe, u hodh në ajër dhe u përplas në dysheme gjatë një fluturimi nga Londra në Mumbai në qershor të vitit 2019, kur avioni Boeing 777 përjetoi një rënie të fortë pak para uljes.

Sipas padisë, incidenti ndodhi teksa avioni po afrohej për të ateruar. Një lëkundje e papritur dhe e fortë e përplasi, duke i shkaktuar frakturë në gju dhe krisje të shpatullës. Ajo u detyrua të largohej nga avioni me karrocë dhe mbeti me dhimbje të forta.

Stjuardesa, e cila kishte rreth 30 vite përvojë në British Airways, pretendon se piloti fluturoi shumë pranë stuhisë, duke hyrë në atë që ajo e cilëson si “zonë rreziku”. Sipas saj, protokollet kërkojnë që avionët të mbajnë një distancë prej të paktën 20 miljesh nga stuhitë.

Nga ana tjetër, British Airways i ka kundërshtuar pretendimet në gjykatë, duke deklaruar se nuk ka pasur asnjë provë vizuale apo sinjal në radar që të tregonte praninë e një stuhie. Avokatët e kompanisë theksuan se pilotët kishin marrë masa paraprake, kishin aktivizuar sinjalin e rripit të sigurimit dhe se turbulenca ishte vetëm një episod i izoluar.

Çështja po shqyrtohet në Gjykatën Qendrore të Londrës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)