"Chatbotët emocionues, por mashtrues", paralajmërimi i Papës për shoqërinë

Papa Leoni XIV ka paralajmëruar besimtarët për rreziqet që lidhen me përdorimin e chatbotëve të inteligjencës artificiale, duke u fokusuar veçanërisht tek burrat.

Në një mesazh për Ditën Botërore të Komunikimeve Sociale, Papa theksoi se marrëdhëniet virtuale, të cilat shpesh duken tepër të përkujdesura dhe emocionuese, mund të kenë pasoja serioze në jetën emocionale dhe sociale të individëve.

Ai vuri në dukje se në botën digjitale të sotme është gjithnjë e më e vështirë të dallosh mes komunikimit me njerëz realë dhe interaksioneve me robotë, gjë që mund të ndikojë në aftësinë për të krijuar miqësi dhe lidhje të sinqerta.

“Fytyrat dhe zërat njerëzorë janë të shenjtë,” tha Papa, duke paralajmëruar se teknologjia mund të ndryshojë themelet e jetës shoqërore dhe kulturore.

Leoni XIV pranoi se chatbotët mund të jenë argëtues, por i konsideroi ata mashtrues emocionalë, veçanërisht për personat më të pambrojtur, pasi mund të zëvendësojnë marrëdhëniet reale dhe të pushtojnë intimitetin personal. Ai shtoi se algoritmet e rrjeteve sociale shpesh favorizojnë emocionet e shpejta dhe dobësojnë mendimin kritik, duke rritur polarizimin në shoqëri.

Megjithatë, Papa nënvizoi se inovacioni digjital nuk duhet ndaluar, por drejtuar me kujdes, duke ruajtur ndërveprimet reale njerëzore si themel të shoqërisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)