Bie në humnerë makina simbol e rrëshqitjes së tokës në Sicili

Situata në Niscemi vazhdon të përkeqësohet pas rrëshqitjes së madhe të dheut që ka goditur zonën. Pas shembjes së shtëpisë trekatëshe, edhe makina që kishte mbetur e varur në buzë të greminës, e që ishte kthyer në simbolin e situatës së emergjencës që goditi qytezën në Sicili, ka përfunduar në humnerë.

Edhe pse rezistoi për ditë ditë, fati i saj ishte i pashmangshëm. Makina qëndronte pezull mbi boshllëkun e krijuar, me rrëshqitjet e dheut që kishin marrë me vete disa prej banesave që ndodheshin në skajin e kodrës. Gradualisht, edhe automjeti simbol i rezistencës dhe shpresës për përmirësimin e situatës, ra nga lartësia.

Zona vazhdon të paraqisë rrezik ekstrem, të paktën deri në 50 metër distancë nga vendi ku disa godina janë shembur. Tashmë e rrezikuar është edhe bibloteka e qytetit. Kryetari i bashkisë së Niscemit, Massimiliano Conti, ka deklaruar se në këtë fazë është shumë e rrezikshme të tentohet shpëtimi i rreth 4 mijë librave.

Foto nga web

Biblioteka private “Angelo Marsiano” ndodhet brenda perimetrit të zonës së kuqe. Përfaqësues të botës së kulturës kanë bërë apel për të shpëtuar bibliotekën, që sipas tyre ruan një trashëgimi të rëndësishme librash mbi historinë e Sicilisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)