Pesë të vdekur nga zjarri në një ndërtesë në Spanjë

Pesë persona humbën jetën dhe katër të tjerë mbetën të plagosur rëndë si pasojë e një zjarri që përfshiu një ndërtesë në qytetin Manlleu në verilindje të Barcelonës.

Sipas informacioneve paraprake, flakët shpërthyen në një papafingo të përshtatur si banesë, në tarracën e një pallati pesëkatësh. Për arsye ende të panjohura, personat që ndodheshin brenda nuk kanë arritur të dalin në kohë dhe kanë humbur jetën.

Shërbimi zjarrfikës bëri të ditur se rrethanat e ngjarjes mbeten të paqarta, ndërsa hetimet janë në vijim. Njësia hetimore e policisë katalanase, me mbështetjen e patrullave të sigurisë publike, po punon për të zbardhur shkaqet e zjarrit.

Nga katër personat e plagosur, tre morën ndihmë mjekësore në vendngjarje dhe më pas u lanë të lirë, ndërsa personi i katërt refuzoi transportimin drejt spitalit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)