Sllovakia ndërpret energjinë për Ukrainën: Hap rrugën e naftës

Kompania elektrike sllovake ka ndërprerë furnizimet me energji elektrike për Ukrainën, pasi Kievit ka ndaluar rrjedhjen e naftës ruse përmes naftësjellësit Druzhba.

Në një mesazh video, kryeministri sllovak, Robert Fico, deklaroi se Ukraina nuk do të marrë energji derisa të lejojë kalimin e naftës ruse drejt Sllovakisë. Më 18 shkurt, Bratislava kishte shpallur gjendjen e emergjencës për naftën.

Autoritetet ukrainase thanë se furnizimet u ndërprenë pas një sulmi rus ndaj infrastrukturës energjetike në fund të janarit. Sllovakia dhe Hungaria akuzuan Ukrainën se po pengon dërgesat e naftës ruse, pavarësisht se nuk ka pengesa teknike.

Qeveria hungareze ishte e para që ndaloi furnizimet e gazolit për Ukrainën javën e kaluar, gjithashtu si përgjigje ndaj ndërprerjes së naftësjellësit Druzhba. Pak ditë më vonë, ministri i Jashtëm hungarez njoftoi se qeveria do të bllokonte huanë europiane prej 90 miliardë eurosh për Ukrainën dhe paketën e 20-të të sanksioneve ndaj Moskës, deri në rifillimin e furnizimeve të naftës ruse për Hungarinë.

Fico kritikoi gjithashtu politikën e BE-së ndaj Ukrainës, duke thënë se Brukseli po financon shpenzimet e luftës së Kievit dhe e përshkroi këtë veprim si të papërgjegjshëm.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)