Reza Pahlavi kërkon mbështetje nga vendet arabe për një tranzicion politik në Iran

Princi Reza Pahlavi, djali i fundit shahut të Iranit, ka bërë thirrje për mbështetje nga vendet arabe në rast të një procesi të ardhshëm tranzicioni politik në Iran, pas mundësisë së rrëzimit të Republikës Islamike.

Në një video mesazh të shpërndarë nga emisioni Iran International, Pahlavi akuzoi Teheranin për sulme me raketa ndaj disa shteteve arabe, përfshirë Emiratet e Bashkuara Arabe, Bahreinin, Katarin, Kuvajtin, Omanin, Jordaninë, Irakun dhe Arabinë Saudite, duke i cilësuar këto veprime si shkelje të sovranitetit të tyre.

Ai theksoi se situata aktuale "nuk ka qenë kurrë vullneti i popullit iranian", por pasojë e politikave të regjimit, të cilat sipas tij kanë shkaktuar destabilizim dhe konflikte rajonale në dekadat e fundit. Pahlavi shtoi se sot kolonat kryesore të politikës rajonale të Teheranit janë "në kolaps".

Për më tepër, ai deklaroi se ka pranuar të udhëheqë një fazë tranzicioni në rast të rrëzimit të regjimit, duke garantuar stabilitet dhe mundësinë që iranianët të zgjedhin të ardhmen e vendit përmes zgjedhjeve të lira.

Pahlavi iu drejtua qeverive arabe me thirrjen për të përgatitur njohjen dhe bashkëpunimin me një qeveri të mundshme tranzitore në Iran, duke e paraqitur këtë hap si vendimtar për sigurinë dhe stabilitetin rajonal.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)