Sulmohen hotelet me të huaj në Irak, ambasada e SHBA thirrje për amerikanët

Grupe terroriste të mbështetura nga Irani kanë shënjestruar hotele të frekuentuara nga amerikanët në Irak

Lajmi u bë i ditur nga Ambasada e SHBA-së në Bagdad e cila iu bën thirrje qytetarëve amerikanë të qëndrojnë vigjilentë dhe të përgatiten për më shumë sulme veçanërisht ndaj infrastrukturës së naftës dhe energjisë në vend, në pronësi të SHBA-së.

"Irani dhe grupet e milicisë terroriste të lidhura me Iranin vazhdojnë të përbëjnë një kërcënim të konsiderueshëm për sigurinë publike. Qytetarëve amerikanë u kërkohet të qëndrojnë vigjilentë, të ruajnë një profil të ulët dhe të qëndrojnë larg zonave që mund t'i bëjnë ata shënjestër", thuhej në njoftimin e Ambasadës.

Njoftimi shton se largimi nga Iraku mund të jetë opsioni më i sigurt për amerikanët.

Lufta në Lindjen e Mesme ka hyrë në ditën e saj të 12 teksa më shumë se 40 mijë amerikanë janë evakuuar nga zonat e konsideruara me rrezikshmëri.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)