41 milionë dollarë në orë, fatura marramendëse e luftës me Iranin për Amerikën

Lufta në Lindjen e Mesme ka hyrë në ditën e 19-të, me sulme intensive izraelite mbi Bejrutin dhe Iranin që në krahun tjetër ka goditur pothuajse të gjitha vendet fqinje që kanë ndihmuar amerikanët në konflikt, në shenjë hakmarrje për eleminimin e shefit të Këshillit të Sigurisë, Ali Larijani.

Pas lëshimit të raketave dhe dronëve ka një tjetër betejë që po trondit globin dhe ajo është e ndikuar nga sfidat që kjo luftë po prodhon në ekonominë globale.

Nga 28 shkurti e deri më sot, lufta me Iranin u ka kushtuar shtrenjtë taksapaguesve amerikanë.

Mbi njëmbëdhjetë miliardë dollarë në gjashtë ditët e para të konfliktit dhe më shumë se një miliard dollarë në ditë në fazat pasuese, me shifrën totale që, deri në ditën e shtatëmbëdhjetë të luftës kundër Iranit, ka tejkaluar njëzet e dy miliardë dollarë.

Foto: Iran Cost Ticker

Këto vlerësime ofrohen nga faqja e internetit Iran Cost Ticker, një lloj "gjurmuesi i kostove të luftës" që monitoron kostot e përgjithshme të shkaktuara nga administrata amerikane për operacionin ushtarak kundër Teheranit. Numëruesi lëviz vazhdimisht, duke përditësuar kostot e vlerësuara sekondë pas sekonde.

Dhe pastaj, menjëherë më poshtë, një ndarje e kostove të luftës, ku rezulton të kushtojë rreth 11 mijë dollarë në sekondë dhe mbi 41 milionë dollarë në orë.

Shifra stratosferike që platforma pretendon se i llogarit bazuar në burime të ndryshme institucionale, përfshirë Pentagonin.

LEXO MË SHUMË

Lindja e Mesme

“Lufta në Iran do të përfundojë brenda dy javësh”, Trump: Nuk duhet të kenë armë bërthamore

I pyetur për mundësinë e dërgimit të trupave amerikane në Iran, Trump tha se nuk ka frikë nga një skenar i ngjashëm me luftën e Vietnamit.

22:14 11 ditë më parë17.03.2026.

Autori

Lindja e Mesme

Tri javë bombardime me avionë, raketa balistike e dronë, ç’po ndodh në Lindjen e Mesme dhe ndikimi në botë

Përshkallëzimi i konfliktit në Lindjen e Mesme po hyn në një fazë edhe më të rrezikshme, ndërsa deklaratat e forta politike, sulmet ushtarake dhe pasiguria për fatin e figurave kyçe në Iran po shtojnë tensionet në nivel global.

16:41 11 ditë më parë17.03.2026.

Autori

Lindja e Mesme

Deri në 5 mijë trupa në Lindjen e Mesme, Pentagoni miraton dislokimin e marinsave amerikanë

Lajmi është raportuar nga gazeta amerikane “Wall Street Journal”, sekretari i Mbrojtjes Pete Hegseth ka miratuar një kërkesë të bërë nga Komanda Qendrore e Shteteve të Bashkuara.

16:55 11 ditë më parë17.03.2026.

Autori

Ndërkohë, New York Times ka folur për një kosto të luftës në rritje të shpejtë që, varësisht nga kohëzgjatja e konfliktit, mund të afrohet në 100 miliardë dollarë . Një faturë potencialisht shumë e lartë që votuesit amerikanë mund t'ia paraqesin Donald Trump në zgjedhjet e nëntorit.

Shifrat e raportuara në  Iran Cost Ticker nuk kanë të bëjnë vetëm me kostot ekonomike. Numëruesi përditëson edhe numrin njerëzor të viktimave të konfliktit. Sipas platformës, deri më tani janë vrarë 13 ushtarë amerikanë, dhe janë plagosur 140. Këto shifra janë pak më të ulëta se ato të cituara së fundmi nga BBC, e cila raportoi rreth 200 viktima amerikane.

Numri i viktimave në anën iraniane është shumë më i lartë, pasi ka mbi dy mijë ushtarë të vrarë dhe afërsisht 1,300 viktima civile, sipas platformës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)