Ndodh në Bejrut, lokalet e natës hapen në shenjë mbështetjeje për viktimat

Të dalësh në fundjavë, të shijosh koktejlet nën ritmet e muzikës. Por, të gjitha këto të realizohen në mes të luftës. Kjo po ndodh në Beirut, aty ku jeta e natës vazhdon të mbijetojë pavarësisht konfliktit në zhvillim mes Hezbollahut dhe Izraelit.

Lokalet dhe klubet e natës në kryeqytetin e Libanit mbeten të hapura, duke e shndërruar argëtimin në një akt solidariteti. Një pjesë e të ardhurave të tyre shkon për organizatat joqeveritare lokale, të angazhuara në ndihmën ndaj komuniteteve të prekura nga lufta.

Në një qytet të goditur nga tensionet dhe bombardimet, shumë të rinj vazhdojnë të dalin në mbrëmje në kërkim të një ndjenje normaliteti dhe lehtësimi psikologjik. “Nuk mund të ndalojmë së jetuari”, shprehen frekuentuesit e lokaleve të natës, duke theksuar se muzika përfaqëson një formë rezistence.

Foto nga web

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)