Çmimi i naftës bie ndjeshëm pas deklaratës së Trump për bisedime me Iranin

Çmimet e naftës kanë pësuar një rënie të fortë në tregjet ndërkombëtare, pas deklaratave të presidentit të Shteteve të Bashkuara të Amerikës, Donald Trump, për zhvillime pozitive në bisedimet me Iranin.

Nafta Brent, që shërben si referencë globale, ra me mbi 7%, duke zbritur nën 99 dollarë për fuçi, pasi më herët gjatë ditës kishte arritur në 114 dollarë. Ndërkohë, nafta amerikane WTI shënoi një rënie edhe më të madhe, rreth 8%, duke zbritur në 90 dollarë për fuçi.

Rënia e çmimeve erdhi pasi Trump njoftoi se SHBA dhe Irani kanë zhvilluar bisedime “shumë të mira dhe produktive” gjatë dy ditëve të fundit, duke shtuar shpresat për një zgjidhje të tensioneve në Lindjen e Mesme. Ai bëri të ditur se këto diskutime do të vazhdojnë edhe gjatë javës.

“Në dy ditët e fundit kemi zhvilluar bisedime shumë të mira dhe produktive për një zgjidhje të plotë të armiqësive në Lindjen e Mesme”, u shpreh Trump.

Presidenti amerikan shtoi gjithashtu se ka urdhëruar shtyrjen për pesë ditë të çdo sulmi ushtarak ndaj centraleve dhe infrastrukturës energjetike iraniane, në varësi të ecurisë së negociatave.

Më herët, deklaratat e Trupat e Gardës Revolucionare Islamike të Iranit kishin rritur tensionet, duke paralajmëruar kundërpërgjigje ndaj çdo sulmi dhe duke kërcënuar me mbylljen e Ngushticës së Hormuzit, një nga rrugët më të rëndësishme për transportin global të naftës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)