Irani i rikthehet linjës së ashpër, emëron pasuesin e Ali Larijanit në Këshillin e Sigurisë

Irani ka gjetur shpejt zëvendësuesin e ish-kreut të Këshillit të Sigurisë, Ali Larijani. Reuters raporton se shefin e vrarë gjatë sulmeve izraelitë do ta zëvendësojë në detyrë ish-komandanti i Gardës Revolucionare i linjës së ashpër, Mohammad Baqer Zolqadr.

Emërimi i kësaj figure të lartë në fraksionin politik të linjës së ashpër për të zëvendësuar kreun e fuqishëm të Këshillit Suprem të Sigurisë Kombëtare, Ali Larijani u bë këtë të martë.

“Mohammad Baqer Zolqadr u emërua pasardhës i Larijani si sekretar i SNSC-së, zëvendësit të komunikimit të presidentit Iranian”, thuhet në postimin e publikuar në ‘X’.

SNSC, i kryesuar zyrtarisht nga presidenti i zgjedhur, Masoud Pezeshkian, koordinon sigurinë dhe politikën e jashtme, dhe përfshin zyrtarë të lartë ushtarakë, të inteligjencës dhe të qeverisë, përveç përfaqësuesve të Udhëheqësit Suprem, i cili ka fjalën përfundimtare mbi të gjitha çështjet e shtetit.

Sakaq, Zolqadr është një ish-komandant i Gardës Revolucionare i cili në të kaluarën ka mbajtur pozicione të larta sigurie, të tilla si zëvendës për sigurinë në Ministrinë e Brendshme, zëvendës në shtabin e përgjithshëm të forcave të armatosura dhe këshilltar i shefit të gjyqësorit për parandalimin e krimit.

Ai drejtoi gjithashtu selinë zgjedhore të fraksionit politik të linjës së ashpër, Frontit Popullor të Forcave Revolucionare Islamike. Që nga viti 2022 ai ka shërbyer si sekretar i Këshillit të Vlerësimit të Përshtatshmërisë, një asamble që zgjidh mosmarrëveshjet midis parlamentit dhe Këshillit të Kujdestarit të klerikëve dhe juristëve shiitë që mund të vënë veton ndaj legjislacionit dhe të mbikëqyrin zgjedhjet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)