Libani dëbon ambasadorin e Iranit: Është “non grata”

Ministria e Jashtme e Libanit e ka shpallur si person të padëshiruar ambasadorin iranian Mohammad Reza Sheibani

"Shteti libanez ka tërhequr miratimin e tij për kandidaturën e ambasadorit iranian Mohammad Reza Sheibani dhe e shpall atë person non grata", shkruhet në faqen zyrtare të ministrisë për këtë vendim.

Diplomati iranian duhet të largohet nga Bejruti deri më 29 mars teksa si motiv citohet "shkelja nga Teherani e normave diplomatike dhe praktikës rutinë të komunikimit midis shteteve".

Më parë, Sekretari i Përgjithshëm i Ministrisë së Jashtme libaneze, Abdel Sattar Issa bëri me dije se ambasadori në Teheran, Ahmad Suweidan, ishte “thirrur për konsultime”.

Më 5 mars, qeveria libaneze kërkoi që forcat e sigurisë të marrin masa të vendosura për të ndaluar aktivitetet e Korpusit të Gardës Revolucionare Islamike në Liban.

Sipas Ministrit Libanez të Informacionit, Paul Morcos, organet përkatëse janë udhëzuar të ekspozojnë praninë e elementëve të IRGC në vend dhe të ndërmarrin hapa të menjëhershëm për të ndaluar aktivitetet e tyre ushtarake, pavarësisht mbulesës nën të cilën veprojnë.

Morcos theksoi se aktivitetet e IRGC në Liban janë të ndaluara dhe anëtarët e saj do të arrestohen dhe deportohen në atdheun e tyre.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)