Australia shpall “karantinën” në plazhe, 4 sulme nga peshkaqenët në dy ditë

Autoritetet australiane kanë vendosur të ndalojnë frekuentimin e plazheve në disa zona të Sidneit dhe Uellsit të ri Jugor pas sulmeve të fundit të peshkaqenëve, shumë pranë bregut.

Sipas të dhënave, të paktën 4 persona kanë pësuar dëmtime të fundit nga grabitqarët e thellësive në dy ditët e fundit, dy prej të cilëve, fëmijë të mitur.

Rasti më i fundit u regjistrua në Uellsin e ri Jugor, teksa një 39 vjeçar pësoi një plagë të rëndë në kraharor, teksa ishte duke bërë sërf.

Ky sulm vjen pas tre sulmeve të tjera në Sidnei gjatë dy ditëve të fundit, ku për pasojë të gjitha plazhet në zonën veriore do të mbeten të mbyllura deri në njoftim të dytë.

Autoritetet besojnë se peshkaqenët dema ishin të përfshirë në shumicën e sulmeve të fundit.

Peshkaqenët dema janë një nga të paktët peshkaqenë që janë potencialisht të rrezikshëm për njerëzit. Ata janë specia e tretë më vdekjeprurëse e peshkaqenëve, sipas Dosjes Ndërkombëtare të Sulmeve të Peshkaqenëve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)