Burri në Japoni paguan 20 vjet qiranë për të zbuluar se kush ia vrau gruan

E pabesueshme është historia e një vrasjeje të pazbardhur ndodhi në Nagoya, kryeqytetin e Prefekturës Aichi në Japoni, dhe përpjekjeve të një burri për të gjetur autorët, pa u dorëzuar për mbi dy dekada.

Takaba Satoru jetoi me gruan e tij Takaba Namiko në një apartament në lagjen Nishi, ku ajo u vra më 13 nëntor 1999. Për 20 vjet çështja krimi mbeti i pazgjidhur, por burri nuk u dorëzua kurrë, duke shkuar deri aty sa pagoi qira për shtëpinë ku ndodhi vrasja, për dy dekada, në mënyrë që gjurmët e lëna nga ekzekutori në vendin e krimit të mos prisheshin.

Një histori guximi, këmbënguljeje, por edhe dhimbjeje e vuajtje, kjo e Takaba Satoru dhe djalit t tij, i cili ishte dy vjeç në kohën e ngjarjeve, të cilët, të paktën për një moment, gjetën paqe me identifikimin dhe arrestimin e gruas që kreu vrasjen.

Foto: X

Sipas mediave japoneze 22 milionë jen (gati 120,000 euro) të paguara nga Takaba Satoru dhanë fryte në tetor 2023 kur, pas analizave të reja të ADN-së dhe provave të ruajtura nga burri, policia njoftoi arrestimin e Kumiko Yasufuku, tani 69 vjeç, një ish-shoqe klase e gruas së tij.

Sipas hetuesve, nga xhelozia për lumturinë e familjes Takaba, Kumiko vendosi të vriste gruan e Satoru.

Në një intervistë me një media japoneze, Takaba Satoru tha: “Nuk e bëra nga obsesioni, por që një ditë djali im të mos më pyeste pse nuk bëra gjithçka që ishte e mundur për të kapur vrasësin e nënës së tij”.

“Cilido qoftë rezultati, ishte e rëndësishme për të të dinte se babai i tij kishte bërë më të mirën e tij dhe se kishte bërë çmos për t'i dhënë drejtësi asaj”, shtoi ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)