Turqia nuk gjen qetësi, sulmi i dytë në shkolla në 48 orë, 4 viktima e 20 të plagosur

Turqia është tronditur sërish nga sulmi i dytë me armë zjarri në shkolla, brenda 48 orëve. Pas ngjarjes së ndodhur ditën e djeshme në qytetin Sanliurfa, ku 16 persona u plagosën nga një 19-vjeccar, i cili më pas vrau veten, ngjarja është përësitur këtë të mërkurë në një shkollë të mesme në Kahramanmaraş, me bilancin më të rëndë.

Mediat turke raportojnë se tre nxënës dhe një mësues kanë mbetur të vrarë nga sumi me armë, ndërsa janë regjistruar edhe 20 të plagosur.

Guvernatori i Kahramanmaraş, Mükerrem Ünlüer, raportoi se pati një sulm të armatosur në shkollën e mesme ‘Ayşel Çalık’ në lagjen Onikişubat.

Autori i krimit është një nxënës i shkollës, i cili hapi zjarr në dy klasa, teksa kishte në posedim pesë armë. Gjatë sulmit ndërhyn forca të shumta policie që bën evakuimin e të mbeturve në shkollë ndërsa dhjetëra ambulanca nxituan në vendngjarje.

Guvernatori i Kahramanmaras, Mukerem Ünlüer, konfirmoi se “sulmuesi është një nxënës i shkollës së mesme”.

“Babai i tij është një ish-oficer policie. Besohet se ai mori edhe armët e babait të tij. Gjithsej 4 persona u vranë, 1 mësues dhe 3 nxënës. Agresori erdhi me 5 armë dhe 7 karikatorë dhe sulmoi 2 klasa”, rrëfeu ai.

Sipas mediave turke, agresori fillimisht qëlloi në ajër në oborrin e shkollës, më pas hyri brenda godinës dhe vazhdoi të qëllonte mbi nxënësit dhe stafin mësimëdhënës.

LEXO MË SHUMË

RAJON

Sulm me armë në një shkollë në Turqi, 16 të plagosur, vetëvritet agresori

Një dëshmitar deklaroi se sulmuesi, i përshkruar si 18-19 vjeç, fillimisht hapi zjarr me një armë me tytë të gjatë në oborrin e shkollës përpara se të hynte në shkollë dhe të vazhdonte të qëllonte.

11:25 1 ditë më parë14.04.2026.

Autori

Ministri i Arsimit Kombëtar Yusuf Tekin, Ministri i Brendshëm Mustafa Çiftçi dhe Ministri i Shëndetësisë Prof. Dr. Kemal Memişoğlu u nisën për në Kahramanmaraş për të vizituar zonën pas incidentit në shkollë.

Ndërkohë, ministri i Drejtësisë, Akin Gurlek, deklaroi se “zyra e Prokurorit të Përgjithshëm nisi menjëherë një hetim”.

"Lidhur me sulmin e armatosur që ndodhi në një shkollë në Kahramanmaraş, Zyra e Kryeprokurorit Publik të Kahramanmaraş ka nisur menjëherë një hetim. Janë caktuar 3 Zëvendës Kryeprokurorë Publikë dhe 4 Prokurorë Publikë. Kryeprokurori ynë Publik dhe prokurorët e caktuar po vazhdojnë hetimet e tyre në vendngjarje. Është lëshuar një ndalim publikimi për hir të hetimit dhe është e rëndësishme që organizatat tona të shtypit të respektojnë konfidencialitetin e hetimit. Autoritetet përkatëse do të ofrojnë të gjithë informacionin e nevojshëm në lidhje me të gjitha fazat e hetimit", tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)