Kampion i pathyeshëm, Michael Schumacher përdor karrocën me rrota

Lajme të rëndësishme janë zbuluar së fundmi në lidhje me gjendjen shëndetësore të Michael Schumacher .

Sipas  burimeve pranë pilotit gjerman, i cili u plagos rëndë në një aksident të tmerrshëm me ski 12 vjet më parë,  gjendja e Schumacher po përmirësohet . Ai nuk është më i shtrirë në shtrat, por tani është në një karrige me rrota dhe mund të lëvizë nëpër pronën e tij në Mallorca.

Ky është një lajm vërtet i rëndësishëm, duke pasur parasysh kërkesat e familjes për privatësi në lidhje me gjendjen mjekësore të ish-pilotit të Formula 1.

Gjatë gjithë këtyre viteve, Schumacherit i ka ndejtur në kokë gruaja e tij Corinna dhe një grup infermierësh dhe terapistësh që e monitorojnë 24/7.

Privatësia e kampionit shtatë herë të botës është konsideruar gjithmonë parësore. Që kur ai pësoi dëmtime në tru pasi goditi shkëmbinjtë pranë vendpushimit të skive Meribel në Alpet Franceze, ai është mbajtur larg syrit të publikut.

Në vitet e fundit, disa ish-anëtarë të stafit ishin përpjekur të shisnin imazhe të tij në gjendje të rënduar, ngjarje që shkuan keq dhe çuan në dënime vitin e kaluar.

Për më tepër, raporton Daily Mail , thashethemet se ai do të merrte pjesë në dasmën e vajzës së tij Gina në vitin 2024 rezultuan të pabaza.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)