“Guxim i jashtëzakonshëm!” Trump vlerëson personin që çarmatosi agresorin në Australi: Shpëtoi shumë jetë

Presidenti amerikan, Donald Trump, ka shprehur ngushëllimet për viktimat e sulmeve terroriste të ndodhura gjatë fundjavës, në prag të festës hebraike të Hanukkah, duke vlerësuar publikisht guximin e qytetarit që çarmatosi njërin prej sulmuesve në Australi dhe shmangu një tragjedi edhe më të madhe.

Gjatë një pritjeje festive në Shtëpinë e Bardhë, Trump e cilësoi ndërhyrjen e qytetarit si një akt heroik. “Ishte një person jashtëzakonisht i guximshëm, që u përball drejtpërdrejt me një nga sulmuesit dhe shpëtoi shumë jetë. Ai është aktualisht në spital, i plagosur rëndë. Kam respekt të madh për atë që bëri,” deklaroi presidenti amerikan.

LEXO MË SHUMË

Nëpër botë

Ahmed, heroi që çarmatosi agresorin e masakrës në Australi

Një sulm i armatosur gjatë një feste në Bondi Beach u shndërrua në një masakër që tronditi Australinë, por mes panikut dhe të shtënave, një qytetar i zakonshëm u përball me agresorin dhe u kthye në simbol të guximit.

09:09 103 ditë më parë15.12.2025.

Autori

Nëpër botë

Babë e bir janë autorë të masakrës në Sidnei, autoritetet: 6 armë zjarri u përdorën në sulm

Babë e bir janë dy autorët e masakrës në Sidnei, ku nga sulmi me armë mbetën të vdekur 16 persona.

22:22 104 ditë më parë14.12.2025.

Autori

Bëhet fjalë për Ahmed Al Ahmed, 43 vjeç, banues në Sydney, pronar i një dyqani frutash dhe baba i dy fëmijëve. Ai u bë i njohur në mbarë botën pas publikimit të një videoje ku shihet teksa i afrohet nga pas një personi të armatosur në plazhin Bondi Beach, e neutralizon dhe i merr armën me duar të zhveshura. Gjatë sulmit, Ahmed u qëllua dy herë dhe iu nënshtrua një ndërhyrjeje kirurgjikale, por ndodhet jashtë rrezikut për jetën.

Veprimi i tij u përshëndet edhe nga kryeministri izraelit Benjamin Netanyahu, si dhe nga kryeministri i Uellsit të Ri Jugor, Chris Minns, i cili e quajti skenën “të pabesueshme” dhe Ahmedin “një hero të vërtetë”.

Sulmi i armatosur gjatë festimeve të Hanukkah në Bondi Beach i mori jetën të paktën 11 personave dhe la dhjetëra të plagosur, duke u cilësuar si sulmi më vdekjeprurës me armë zjarri në Australi në gati tre dekada, në një vend të njohur për ligje të rrepta për armët.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)