VIDEO/ Dhjetëra dronë ukrainas godasin në Baltik, porti kyç rus përfshihet nga flakët

Një valë e re sulmesh me dronë nga Ukraina ka goditur territorin rus, duke shkaktuar dëme në një nga pikat më të rëndësishme të eksportit të naftës në Detin Baltik.

Sipas autoriteteve ruse, objektivi i sulmit ka qenë porti Primorsk, ku është dëmtuar një rezervuar karburanti dhe ka shpërthyer zjarr. Shërbimet e emergjencës kanë ndërhyrë për shuarjen e flakëve, ndërsa personeli është evakuuar nga zona për arsye sigurie.

Guvernatori i rajonit të Leningradit, Aleksander Drozdenko, bëri të ditur se gjatë natës janë rrëzuar mbi 50 dronë, ndërsa operacionet për neutralizimin e sulmeve kanë vijuar edhe gjatë mëngjesit. Megjithatë, disa prej mjeteve fluturuese arritën të godasin objektivin.

LEXO MË SHUMË

Europa

“Druzhba” rikthehet në lojë, megastruktura sovjetike që Rusia po rihap mes krizës së naftës

Në mes të krizës energjetike dhe tensioneve gjeopolitike, Rusia ka rikthyer në vëmendje një nga projektet më të mëdha të epokës sovjetike, Druzhba.

17:26 10 ditë më parë18.03.2026.

Autori

Nëpër botë

"Nuk kemi raketa", Zelenski: Jemi në mungesë për shkak të luftës në Lindjen e Mesme

Volodymyr Zelensky ka thënë se Ukraina do të përballet me një mungesë raketash që po përdor për të luftuar Rusinë për shkak të luftës në Lindjen e Mesme.

10:04 10 ditë më parë18.03.2026.

Autori

Nëpër botë

Zelensky: Kievi do të marrë sistem të ri të mbrojtjes ajrore nga Parisi

Ukraina do të marrë një sistem të ri të mbrojtjes ajrore SAMP/T nga Franca në vitin 2026 dhe do ta testojë atë kundër raketave balistike ruse si një alternativë ndaj sistemit amerikan Patriot.

11:53 13 ditë më parë15.03.2026.

Autori

Porti i Primorskut konsiderohet një nga nyjet kryesore për eksportin e naftës ruse nëpërmjet detit dhe ka qenë edhe më herët në shënjestër të sulmeve ukrainase, të cilat kanë ndikuar përkohësisht në operacionet e ngarkimit.

Deri më tani, autoritetet ukrainase nuk kanë reaguar zyrtarisht për këtë sulm. Megjithatë, sulme të tilla janë bërë pjesë e strategjisë së Kievit për të goditur infrastrukturën energjetike dhe industriale të Rusisë, me qëllim dobësimin e kapaciteteve financiare të Moskës për luftën.

Ngjarja vjen në një moment kur çmimet e naftës në tregjet ndërkombëtare janë në rritje, të nxitura nga tensionet në Lindjen e Mesme. Paralelisht, Shtetet e Bashkuara të Amerikës kanë ndërmarrë hapa për të zbutur disa sanksione ndaj naftës ruse dhe iraniane, në përpjekje për të stabilizuar tregun global.

Ndërkohë, ushtria ukrainase ka deklaruar se së fundmi ka goditur edhe një rafineri nafte në rajonin e Saratovit, në pronësi të kompanisë Rosneft, ndërsa sulme me dronë janë raportuar edhe pranë një impianti të madh energjetik në rajonin e Bashkortostanit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)