U shkurtoi flokët dy nxënëseve në klasë, pezullohet mësuesja e gjimnazit

Një mësuese zëvendësuese në një shkollë të mesme në Mestre të Italisë është pezulluar përkohësisht nga puna, pasi dyshohet se iu ka prerë flokët dy nxënëseve gjatë orës mësimore.

Vendimi është marrë nga autoritetet arsimore të Veneto, në pritje të përfundimit të hetimit administrativ të nisur nga Zyra Rajonale e Arsimit. Ngjarja ka ndodhur në një klasë të vitit të tretë të shkollës së mesme, përpara gjithë nxënësve të pranishëm.

Sipas rindërtimit të ngjarjes, mësuesja dyshohet se ka reaguar ndaj një kërkese të përsëritur të një nxënëseje për një detyrë klase, duke marrë gërshërët dhe duke i prerë një tufë flokësh. Pak më vonë, ajo ka kryer të njëjtin veprim edhe ndaj një nxënëseje tjetër.

Pas incidentit, prindërit e nxënësve kanë ngritur shqetësime, ndërsa drejtoria e shkollës ka nisur menjëherë verifikimet e brendshme. Janë marrë në pyetje dy nxënëset e përfshira, familjarët e tyre dhe vetë mësuesja, me qëllim sqarimin e plotë të rrethanave.

Autoritetet arsimore të Veneto kanë vendosur pezullimin e menjëhershëm të mësueses si masë sigurie, duke theksuar se procedura disiplinore tashmë është në zhvillim.

Ndërkohë, rasti mund të ketë pasoja më të rënda për mësuesen, pasi në varësi të rezultateve të hetimit mund të hapen edhe procedura disiplinore apo penale, të cilat mund të çojnë deri në masa përfundimtare ndaj saj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)