Zbulohen shkaqet e vdekjes së mjeshtrit të madh të shahut

Një raport toksikologjik i publikuar së fundmi ka zbuluar se mjeshtri i madh amerikan i shahut Daniel Naroditsky ndërroi jetë si pasojë e një miksi drogërash dhe ilaçesh që kishte konsumuar.

Naroditsky ishte vetëm 29 vjeç kur u gjet i vdekur në divan në shtëpinë e tij në Charlotte të Karolinës së Veriut , nga miku dhe shoku i tij po ashtu mjeshtër i madh i shahut, Oleksandr Bortnyk, i cili shkoi ta kontrollonte më 19 tetor.

Në atë kohë, policia deklaroi se Naroditsky mund të kishte kryer vetëvrasje ose të kishte marrë aksidentalisht mbidozë, pasi nuk gjetën shenja të ndonjë akti të paligjshëm apo aktiviteti kriminal.

Sipas raportit toksikologjik nga Zyra e Kryemjekut Ligjor të Karolinës së Veriut, Naroditsky kishte metamfetaminë, amfetaminë, 7-hidroksimitragjininë dhe mitragjininë në trupin e tij kur vdiq.

Dy kimikatet e para janë stimulues sintetikë, ndërsa dy të fundit janë përbërjet kryesore kimike aktive që gjenden në Kratom, një bimë vendase në Azinë Juglindore me efekte të ngjashme me opioidet.

Gjatë vitit para se të vdiste, Naroditsky u akuzua vazhdimisht për mashtrim në lojërat e shahut online nga mjeshtri 50-vjeçar i shahut rus Vladimir Kramnik.

Kramnik pretendonte se Naroditsky po përdorte programe kompjuterike që gjenerojnë lëvizje të konsideruara si më të fortat në një skenar të caktuar, për lojërat online.

Mjeshtri i madh amerikan, i cili ishte kampion bote nga viti 2000 deri në vitin 2006, i kishte mohuar vazhdimisht akuzat e Kramnikut.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)