Akulli "pushton" vendin, parashikimi i motit në Shqipëri

Masave ajrore të thata dhe të ftohta. Këto janë kushtet atmosferike në territorin e Shqipërisë, me motin që do të jetë i qëndrueshëm në pjesën më të madhe të vendit.

Gjatë paradites moti do të jetë i kthjellët, ndërsa pas mesditës do të ketë shtim të vranësirave, kryesisht në pjesën lindore të territorit, me vranësira herë pas here të dendura zonat malore.

Sipas Shërbimit Meteorologjik Ushtarak, në orët e pasdites dhe mbrëmjes parashikohen reshje të pakta dhe të shpërndara shiu në lindje të vendit si edhe përgjatë bregdetit. Në zonat malore nga jugu në veri, reshjet do të jenë në formë dëbore të lehtë, kryesisht me intensitet të ulët.

Temperaturat e ulëta do të ndikojnë edhe në krijimin e ngricave në rrugë, veçanërisht në akset malore, me autoritetet që i kanë kërkuar vëmendje të shtuar drejtuesve të automjeteve.

Era do të fryjë me drejtim nga kuadrati i veriut me shpejtësi mesatare 4 m/s, përgjatë vijës bregdetare, ndërsa në zonat luginore do të fitojë shpejtësi deri në 10 m/s. Valëzimi në dete do të jetë i forcës 1 ballë.

Foto: Shërbimi Meteorologjik Ushtarak

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)