Policia e Korçës finalizoi operacionin e koduar “Target”, duke arrestuar në flagrancë një 31-vjeçar që qarkullonte i armatosur në qytet. Bëhet fjalë për shtetasin A. Q., banues në Korçë, i cili ka precedent të mëparshëm penal për krime kundër personit, armëmbajtje pa leje dhe prodhim dhe shitje narkotikësh.
Operacioni u zhvillua pas informacioneve se A. Q. lëvizte me armë zjarri. Në momentin që pikasi forcat e policisë, ai tentoi të largohej me shpejtësi, por u kap dhe neutralizua. Gjatë kontrollit fizik, policia sekuestroi një armë zjarri pistoletë me krehër, municion luftarak dhe një shumë parash.
Në përfundim të veprimeve procedurale, shtetasi A. Q. u arrestua për veprën penale “Mbajtja pa leje dhe prodhimi i armëve, armëve shpërthyese dhe municionit”. Materialet iu kaluan Prokurorisë së Korçës për veprime të mëtejshme.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)