Ambasada amerikane jep detaje mbi pezullimin e vizave, a ndikon në vizat aktuale të vlefshme?

Ambasada amerikane në Tiranë ka dhënë detaje lidhur me vendimin e DASH për pezullimin e vizave me 75 vende të botës, përfshi dhe Shqipërinë dhe Kosovën. Sipas ambasadës, vendimi hyn në fuqi më 21 janar, duke bërë të ditura dhe detajet.

“Duke filluar nga 21 janari 2026, Departamenti i Shtetit do të pezullojë lëshimin e të gjitha vizave emigruese për aplikantët që janë shtetas të vendeve të mëposhtme:

Afganistan, Shqipëri, Algjeri, Antigua dhe Barbuda, Armeni, Azerbajxhan, Bahamas, Bangladesh, Barbados, Bjellorusi, Belize, Butan, Bosnje dhe Hercegovinë, Brazil, Birmani, Kamboxhia, Kamerun, Kepi i Gjelbër, Kolumbi, Bregu i Fildishtë, Kubë, Republika Demokratike e Kongos, Dominikë, Egjipt, Eritre, Etiopi, Fixhi, Gambia, Gjeorgji, Ganë, Grenadë, Guatemalë, Guine, Haiti, Iran, Irak, Xhamajkë, Jordani, Kazakistan, Kosovë, Kuvajt, Republika e Kirgistanit, Laos, Liban, Liberi, Libi, Moldavi, Mongoli, Mali i Zi, Marok, Nepal, Nikaragua, Nigeri, Maqedoni e Veriut, Pakistan, Republika e Kongos, Rusi, Ruandë, Shën Kits dhe Nevis, Shën Luçia, Shën Vincent dhe Grenadinat, Senegal, Sierra Leone, Somali, Sudani i Jugut, Sudan, Siri, Tanzani, Tajlandë, Togo, Tunizi, Ugandë, Uruguai, Uzbekistan dhe Jemen”, thotë ambasada.

Por çfarë ndodh me takim për intervistën e vizës emigruese

Aplikantët për vizë emigruese që janë shtetas të vendeve të prekura mund të dorëzojnë aplikimet për vizë dhe të marrin pjesë në intervista, dhe Departamenti do të vazhdojë të caktojë takime për aplikantët, por asnjë vizë emigruese nuk do të lëshohet për këta shtetas gjatë kësaj periudhe pezullimi.

A ka ndonjë përjashtim?

Shtetasit me dyshtetësi që aplikojnë me një pasaportë të vlefshme të një vendi që nuk është i listuar më sipër janë të përjashtuar nga ky pezullim.

A ndikon kjo në vizën aktuale të vlefshme?
 

Asnjë vizë emigrimi nuk është hequr si pjesë e këtij udhëzimi. Për pyetje që lidhen me hyrjen në Shtetet e Bashkuara, ju referojmë te Departamenti i Sigurisë Kombëtare i Shteteve të Bashkuara.

A zbatohet kjo për vizat turistike?
 

Jo, ky pezullim zbatohet vetëm për aplikantët e vizave emigruese. Vizat turistike janë viza jo-emigruese”, thuhet në njoftim.

“Presidenti Trump ka bërë të qartë se emigrantët duhet të jenë financiarisht të vetë-mjaftueshëm dhe të mos përbëjnë barrë financiare për amerikanët. Departamenti i Shtetit po kryen një rishikim të plotë të të gjitha politikave, rregulloreve dhe udhëzimeve për të siguruar që emigrantët nga këto vende me rrezik të lartë të mos përdorin ndihma sociale në Shtetet e Bashkuara dhe të mos konsiderohen barrë publike”, shkruan Ambasda e SHBA në Tiranë.

Lexo më shumë

Politikë

DASH pezulloi vizat me 75 vende, Spiropali: Nuk ndalon udhëtimet nga Shqipëria, politikë e re për lejet e qëndrimit

Ministria e Jashtme Elisa Spiropali ka reguar lidhur me lajmin lajmin e DASH për pezullimin e vizave për 75 vende, përfshi Shqipërinë dhe Kosovën.

09:58 72 ditë më parë15.01.2026.

Autori

Aktualitet

DASH pezullon përpunimin e vizave për 75 vende, mes tyre Shqipëria dhe Kosova

DASH ka vendosur të pezullojë përpunimin e vizave për 75 vende. Mes tyre Shqipëria dhe Kosova.

18:19 73 ditë më parë14.01.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)