Java e fundit e janarit nis me shtrëngata, borë në lartësi mbi 900 metra

Reshje mesatare lokale dhe shtrëngata do të shoqërojnë këtë fillim jave të fundit të janarit. 

Sipas IGJEUM, reshjet do të përfshijnë qarqet Shkodër, Vlorë dhe Gjirokaster, ndërsa në qarqet e tjera reshje më të dobëta. 

Në Veri, Lindje dhe Juglindje në lartësitë mbi 900 m nga niveli i detit reshjet do të jenë në formë dëbore.

"Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Vlorë dhe Gjirokastë", thotë IGJEUM.

Sakaq temperaturat pritet të jenë: 
në bregdet: 8 / 14 °C       
në vendet e ulëta: 3 / 13 °C      
në vendet malore:  1 / 8 °C         

Era pritet të fryjë mesatare deri e fortë, kryesisht në bregdet dhe në vendet malore. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)