Mesazhi i ish-sekretarit të Këshillit të Europës për Epstein: “Shqipëria ka vajza të jashtëzakonshme”

Publikimi i 3 milionë faqeve të reja nga çështja “Epstein” po shkakton një valë tronditjesh në të gjitha drejtimet. Në një prej çështjeve që lidhet me Shqipërinë, protagonist është Thorbjørn Jagland, ish-kryeministër i Norvegjisë dhe ish-Sekretar i Përgjithshëm i Këshillit të Europës.

Në një prej komunikimeve me Jeffrey Epstein, është publikuar e-mail që Jagland i nisi personazhit kontrovers më 25 maj 2012. “Kam qenë në Tiranë, atje ka vajza të jashtëzakonshme”, niste mesazhi i zyrtarit norvegjez, që vetëm pak orë më parë kishte zhvilluar takime të nivelit të lartë me kryeministrin e asaj kohe, Sali Berisha, presidentin në detyrë Bamir Topi dhe ministrin e Jashtëm, Edmond Haxhinasto.

Foto nga web

Përshkrimin e shkurtër, por që lë shumë hapësira për spekulime, rreth vendin tonë Thorbjørn Jagland e bëri menjëherë pas vizitës si pjesë e angazhimeve të Këshillit të Europës në Shqipëri. Më tej, ai shkruante: “Do të shkoj në Jordani, Palestinë dhe Izrael. Do të kthehem të enjten....Nëse nuk e keni telefonuar ende Barbara Daniels, ju lutem më njoftoni... Bill Richardson do të donte të telefonate”.

Duke qenë se emri i tij është përmendur edhe më parë dokumentet e publikuara, Jagland ka mohuar kategorikisht çdo përfshirje personale apo lidhje me Jeffrey Epstein. Ai ka deklaruar se nuk ka pasur asnjë marrëdhënie me Epstein në jetën e tij private dhe se çdo pretendim i tillë është i pabazuar. Duke kujtuar angazhimin e tij të gjatë në fushën e të drejtave të njeriut, ish-kryeministri norvegjez ka theksuar se akuzat apo aludimet nuk kanë asnjë bazë faktike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)